رح إلكم شوي عن مغامراتنا بالسنة الثانية سمستر تاني كاد هاد السمستر الفريد من نوعو كان الدوام تبعنا لل6 ونص بليل فكانت الصدمة إنو نستوعب الدوام الطويل كانت صدمة كبيرة المهم كان الدوام من الصبح طبعا والأهم من هيك إنو بهادا السمستر كان عنا فيزياء 2 وبتعرفو شو يعني فيزياء 2 (خبص تنجح ) المهم كانت صدمة الأولى بهدا السمستر الوقت واستوعبناها ولكن الصدمة التانية كانت إنو التتوريل تبع المادة الفيزياء مالن مستقرين على وقت محدد وخدلك ضرابات وبهادل واشتغلت الرسائل من قبل ناس قريبين يبعتو للعميد (بعض من نص الرسالة : ابنتك البعيدة عن أهلها ......) واشتغل السح والنح بهل الرسالة العظيمة وخدلك مآسي بس كأنو الرسالة جابت مفعول واتخطينا الصدمة الثانية وبلشنا الخوض في هذا السمستر العظيم ومع الفيزياء الجميل بس الحلو بهادا السمستر إنو الستات حياكم وبصمات ماكانو يرجعو عالبيت لأنو كان فراغ بين المحاضرات فيعدو يستنو المحاضرة معنا أنا ولبيبة وبلشنا بشغل الفراغ بالدراسة :) ولعب الشدة ( البتة ) والطعام و كان عنا مكان خاص فينا تحت الدرج نعد ندرس في بس غيرنا بعدين لأنو كانت في مجموعة تانية تعد معنا واتجيب مندي وطبخ وتشتغل الروائح ويقل التركيز عنا فقررنا نتحترم حالنا ونغير المكان تبعنا وبلشت مسيرة البحث مع مصادفة المواقف الأخرى والأهم من هيك إنو هادا السمتر خلص (أف ) ما أبشعو بس كانت ذكريات حلوة 
