دفاتر الأديب

دفاتر الأديب

1) روعة في التصميم                                        2) أشكال الأغلفة روعة

             3) الفواصل في داخل الدفتر فيها أشكال خوريف تجنن  

                                 4)الصفحات سميكة وما تشف الكلام

5) دفتر فتاك قاتل لجميع الحشرات الفتاكة والقوية

     يلي قرأ يوميات بالجامعة 4 يفهم قصدي

مواليد أي شهر ؟

يوميات بالجامعة 4

بهدا اليوم الصراحة كان أغرب حدث وأكثر موقف مضحك ، هادا ياستي كنا آعدين انا ولبيبة متل العادة نتظر الباص (مآسي الباصات ) ما في داعي إشرح :( المهم كنا آعدين بالمبنى تبعنا بالرسبشن و كنا نتبادل أطراف الحديث وقررنا نفتح الجبر التعيس وندرس التبديلات لأنو بلش يتراكم علينا المهم شفت ونحنا آعدين بنات السكن من برا وهنن عم يستنو الباص تبعن في منن عم صرخ والتاني عم تتمايل تاري في كائن حشري طائر عم يسطو الجامعة طبعا أنا تابعت المذاكرة العظيمة تبعنا لأنو مادخلنا ومارح يوصل لعنا وخلال هذه الأمور أجت لعنا بنت وبلشت تتبادل أطراف الحديث وهنا وقعت الكارثة .........   صدفة كنت عم بطلع على الباب ولا بلائي الكائن الغريب العجيب بلش يتجه لعنا أنا شفت الهشوفي ونطيت فجأة ولكن المسكينة لبيبة ماكانت عم تشوف السطو من أوله وماشافت الكائن منيح لأنو البنت يلي كانت وائفة عم تحكي معنا كانت وائفة بوش لبيبة فما شافتو فبلش الهجوم من قبل الكائن الطائر على لبيبة وماشاء الله لبيبة ماتوقعتا بهل القوة ضربت الكائن الطائر الغريب بالدفتر السلك القاسي بضربة بنص دماغو وأوقعت به مباشرة على الأرض (كانت ضربة قوية والمسكين ماكان متوقع ) طبعا أنا والبطلة صرنا فرجي بالرسبشن حتى الحارس كان عم يلحئو مشان يضربو بس لبيبة أخفته عن الوجود حتى مالئو القتيل بعد القتل الماكن ( الله يرحمو ) وخلال البحث عن القتيل صار يئول الحارس نفضي نفضي  هو ( خاف إنو المقتول يكون علئان بعبايت حدا منا ) بدو ينتقم ( لأنو هو ماشاف الضربة  يلي طيرت القتيل ) وأنا بعد ماشفت هالشوفي فرطت من الضحك والله كانت ذكرى مضحكة وبنفس الوقت أوقعت قتلى وعرفنا إنو عنا البطلة لبيبة   :) 

يوميات بالجامعة 3

في يوم من الايام قررنا إنو روح على مطعم (الجامعة ) العظيم وناكل هو مو مشروع بس لأنو جدولنا هادا السمستر مابنشوف وش حدا فيه متل ماوضحت سابقا عنا بزنز (بصمات وحياكم ) المهم اجتمعنا والحمد الله وكان جعبالي ناكل غدا بس الظراف آل موجعبالن ماشي سايرتن وأخدت متلن (بيتزا ) المهم أعدنا أنا وبدأنا ناكل وماشي الحال وفجأة بصير عنا كارثة فجأة نطت لبيبة وصرخت بصوت عالي مافهمنا شوصار بالبداية بعدين اتضحلنا إنو كان على بيتزا تبعا (دبانة وقفت على بيتزا تبعا وبدأت  تتللذذ ) وصرنا فرجي بالمكان حتى تبع الكاشير صارت  تضحك المهم تابعنا أكلنا بكل سلام ومابعرف شوصار لحياكم صارت تاكل وتوئع  الأكل على عبايتا وصارت اتنظف عبايتا  وكل ما تنظف يصير بقعة طحين من عجينة البيتزا : )   (صرنا فرجي ) المهم تابعنا الأكل والتنظيفات وبعدين قررنا الرحيل من هادا المكان المشبوه فوقفنا أنا وبصمات والحمد الله وقفت حياكم بسلام كمان بس وين العيون صارت تتجه إلى لبيبة (ماحدا شافا شلون وقفت ) .........  (خليها بلا فضايح أكتر المهم صرنا فرجي من الستف تبع المطعم خاصة هادا الستف تبع المطعم شاكك بقدراتنا لأنو كل ماندخل لعندن ببلش الحكي السرلنكي ويأشرو علينا وطلعنا من المطعم العظيم بكل سلام وآمان والحمد الله 

يوميات بالجامعة 2

رح إلكم على مغامرات صارت معنا
في يوم من الأيام قررت الجامعة تعمل مؤتمر وطبعا لازم نحنا نروح ونحضر :( المهم أنا جالسة في المكتبة متل العادة (ملجأ تبعي ) المهم أجت لعندي بصمات مشان تستعير كتب (مومشاني أبدا) المهم وفجأة اتصلت حياكم وهي عم اتصرخ وتقول (أنا باللفت شو إكبس جي ولاإم ) و كأنو آعديين ببرج فيه 500 طابق المهم دليناها للمسكينة وطلعت وكانت أول مرة بالتاريخ بتجي على المكتبة المهم انزلنا نحنا التلاتة من المكتبة وتفاجأنا الست حياكم سيارتا مو معا (هلئ تفالحت وما جابتا دائما سيارتا معا ولما صار بدنا نركب معا ماجابتا ) المهم بلشنا نمشي ونمشي ونمشي وبأقصى سرعة آمت الست حياكم صار بدا تتفتل وتفوت اتشوف الحديقة الدائرية يلي عم تحلم فيها من زمان وصرنا فرجي من قبل الهنود( يلي يغسلو السيارت ) آلو لحالن هدول الله يعينن على عقلن بعد المشي الطويل والعناء وصلنا (لللييييش ) الكارثة تقع هنا إنو مافي مكان لنحضر أي محاضرة وبلشنا نحط أسمائنا متل المتطفلين (فشله ) المهم قبل بدأ المحاضرة سمعنا إنو في (حفلة الشاي ) آمت قررت الست حياكم ادلنا على الطريق آمت مشتنا وراها لوين (عكس الطريق ) ونمشي ونمشي حتى حسينا إنو الوضع غلط فقررنا عدم السماع لحياكم واحردنا وعند بدأ المحاضرات انطلقنا ودخلنا قاعة المحاضرة بدون ما نسأل حدا واندبجنا على الكراسي ولالنا خص بحدا وبدأت المحاضرة وبدأ التصوير والمشاركة من قبل المعلمات كبار فكتئبنا شوي لأنو شفنا مستقبلنا :( وخلصت المحاضرة واستفدنا منها والحمد الله (طولو بالكم ماخلصنا ) ونحنا طالعين من القاعة نسمع العالم عم اتصرخ وتقول جيبو الشهادات الشهادات (لا لا .. بدنا نرجع نعيد المشي كلو لعند قاعة المؤتمرات :( ) بس وركضنا ولحئنا باص السكن وكانو (حياكم وبصمات وهوبنز كأنو أول مرة يركبو الباص !) وصلنا وجلسنا وراء كبار الشخصيات وبدئنا نعلق إلا أن بصمات وئفتنا عن التعليق لأنو كنا حن نروح بستين داهية و بلشو يوزعو الشهادات و كأنو جالسين بسوق ... وينادو وينادو لين ماطلع إسمنا للليييششش) هلئ بدنا نرجع مرة تانية نمشي والله حرام عليكي ياحياكم المهم مشينا وصلنا المبنى تبعنا بسلام وأمان وكانت هي مغامراتنا بذلك اليوم العظيم )

يوميات بنات بالجامعة 1

رح أكمل شوي على يوميات حياكم ، بعدد ماقررت إنو توئف الرجيم صارت اتجيب عروض للأكل وبدأت بالترويج لها ويلا نجتمع كلنا لنروح ونشتري هالعرض العظيم يلي مو بائيلو كم أسبوع ويخلص وماشاء الله باقي بعض البنات بزنز موفاضيين أول ماتخلص المحاضرة وشهم هالبيت وحتى صاحبة العرض نفس الشي لولا العرض ماكانت أعدت بالجامعة المهم اجتمعنا والحمد الله وققرنا إنو نجيب العرض بس طبعا ماشيين بأقصى سرعة عنا لأنو اتلكم عنا سيدات أعمال وحتى في منهم قررو إنو يركضو والباقي عم يفهمو الدروس على الطريق (شو اتلكم بعرف مين مصاحبي :) ) المهم وصلنا وطلبنا العرض وأعدنا نشربو المهم الكاسي طلعت الله لايورجي حدا كبيرة وبتلعي النفس وماعد إئدر كملا المهم كملتا ووتشرطت صاحبة العرض انو وصلا على سيارتا المهم رحنا أنا والمسكيني التانية وصلاناها على سيارتا طبعا ماسدئت فورا شغلت السيارة وانطلقت وهاهي القصة كلها ممكن اتلائو باقي الموضوع عند صاحبة العرض (حياكم) .يلا مع السلامة

hot chocolate

هذه المدونة خصيصا لأصدقائي لأنو بتذكرنا بمغامرات حلوة :)

أخطر ألعاب الملاهي ० :

من أخطر الألعاب حول العالم

القصيدة الدمشقية

من أروع قصائد الشاعر نزار قباني (القصيدة الدمشقية )

هذه دمشق ...وهذي الكأس والراح إني أحب... وبعض الحب ذباح
أنا الدمشقي .... لو شرحتم جسدي لسال منه عناقيد .... وتفاح
ولوفتحتم شراييني بمديتكم سمعتم في دمي أصوات من راحو
زراعة القلب... تشفي بعض من عشقو ومالقلبي - إذ أحببت - جراح
مآذن الشام تبكي إذ تعانقني وللمآذن ..... كالأشجار ... أرواح
للياسمين حقوق في منازلنا .... وقطة البيت تغفو حيث ترتاح
طاحونة البن جزء من طفولتنا فكيف أنسى ؟ وعطر الهيل فواح
هذا مكان " أبي معتز ... منتظر ووجه "فائزة" حلو ولماح
هنا جذوري... هنا قلبي... هنا لغتي فكيف أوضح؟ هل في العشق إيضاح ؟

تركيا من أجمل البلاد العربية

صور متنوعة ورائعة لتركيا

شلالات تركيا

مساجد تركيا

أسواق تركيا